Troulanda Express #42: Vés de festa?

Na semana das Letras Galegas, a nosa carta semanal non podía ser noutro idioma que no galego. Idesnos permitir algún que outro erro porque é o noso primeiro Troulanda Express en galego, pero esperamos que atopedes o contido mesmo máis inspirador se cabe.

Pero, por que a primeira? Aínda que moitos dos que nos ledes cada semana sodes galegos e portugueses, o Troulanda Express chega a toda a península ibérica e mesmo a algúns países do estranxeiro (non o dicimos nós, senón a plataforma de Substack, a nós tamén nos sorprende gratamente que nos leades desde tantos recunchos) e, aínda que din que o galego é fácil de entender, ás veces o vocabulario das festas e eventos culturais non é tan coñecido máis aló das fronteiras. E por iso normalmente enviámolo en castelán.

Hoxe imos celebrar a nosa língua tamén desde aquí. E ímolo facer convidándovos a festexar en todos estos recunchos:

• Vila de Cruces, onde están a festexar a Festa do Galo de Curral.

• Redondela, para gozar dos títeres e as marionetas por toda a vila.

• Santiago, onde están a celebrar a Ascensión e haberá foliadas, encontros de músicos tradicionais e moita troula máis.

• A Estrada, coa festa do Salmón.

• Cans, onde todavía veremos o glamur rural do cine máis auténtico.

• Vilagarcía de Arousa, que está a festexar á Santa Rita.